المناقشات

ابنك خلاص جريح . . والوضع بقى انحطاط

و حتاخد ايه يا ريح . . منى وانا ع البلاط

الحمل فاق وزاد . . على ناس متحنطه

وكل يوم مزاد . . و احنا علينا العطا

الحال بقى فيها سايب
حاضر حسد اللى غايب
حتى اللى ف عشقه دايب
كان موج عالى ووطى

ساكن فوق السطوح
وجروح فوقيها جروح
و بعد ما كان طموح
بقى يحلم بالغطا

مزنوق ف درنقه
بيقول بعدين بقى
انزل من مشنقه
اروح على مخرطه

الحلم طال اوى
تعبان وميستوى
و تمالى بنكوى
ادمنت المرمطه

الجاى جاى ولا
الحلم راح وولا
والاغلبيه قله
ف زمن المليطه

راح الصوت و اتنبح
لما الحى اندبح
طوق النجاه شبح
والسبحه مفرفطه

انا مش خروف و ثاير
ولا من بتوع يناير
بس الوضع اللى داير
بقى اخر .،.،.،.