المناقشات

- عنوان المناقشة:

الف حسره على المبادىء حلونا بقى طعمه حادق

هانى عثمان
بواسطة: هانى عثمان
منظم للموقع
الأربعاء 8 نوفمبر 2017
الف حسره على المبادىء .،.،. حلونا بقى طعمه حادق

القلم مش راضى يكتب .،.،. رغم انى لسه بادىء

رجعولنا يا ناس ماضينا لما كان اللى يعادينا كان فى حكم المنتحر

اللى بيموت ف نفسه خليناه فرحان بنفسه ومفتخر

انه نسانا عادتنا .،.،.،. دينا اخلاقنا وصفاتنا

وان مش قادرين نقاومه .،.،.،. رغم قوتنا و عددنا

اديناله الفرصه مره .،.،.،. لما قولناله امين

فاز علينا وهو بره هو قاره واحنا قاره

بيحاربنا حتى من بره المجره .،.،.،. و اتوكسنا فى الكمين

اتحاربنا و خدنا علقه .،.،.، والعدو ما ضربش طلقه

خد حضارتا وتاريخنا .،. من غير دليل على اى سرقه

فين علومنا و فين ادبنا

ده اللى كان مزنوق بيجى يدق بابنا

كله مات قصدى اتقتل .،. حتى موتنا الامل

و اتدفن بايدينا برضه و ف ترابنا

حتى لو حد محاربنا .،. بس برضه ده بسببنا

مش سمعنا و اتجاوبنا .،. لما وصل الحال بقينا

نفتخر بحاجات يا ناس ف الاساس اصلا تعيبنا

نفسى نرجع لاحترامنا عشان تعبنا

اوعى حد يقولى محنه .،. او يجيب سيره زمن

كله كان بسببنا احنا

واللى كان غالى بايده خلى نفسه مالوش تمن
بدأت في: الشعر و النثر منذ: في 8 نوفمبر 2017 آخر رد: في 25 نوفمبر 2017 مناقشات صاحب المناقشة مناقشة مسيئة
<< 1 >> يوجد 8 تعليق - الصفحة رقم 1 من اجمالي 1 صفحة
انا ام السيد
التعليق رقم 1
انا ام السيد
9 نوفمبر 2017
الاخ الافضل

هاني عثمان

شكرا علي كلامك النابع من القلب

تقبل مروري



هانى عثمان
التعليق رقم 2
هانى عثمان
منظم للموقع
11 نوفمبر 2017
عاوز اقولك ايدى نملت من قله السلام



اخيرا لاقيت حد من اخواتى المحترمين



والله والله نورتينى



واشكرك جداا على كلامك الجميل
انا ام السيد
التعليق رقم 3
انا ام السيد
11 نوفمبر 2017
انت انسان خلوق ومحترم يا هاني

خليك معي وياريت كل الناس الي بتدخل تقرا وتطلع تسيب حته بصمه والله انتو وحشنا بس عايزين نسلم عليكم مش اكثر

تقبل مروري للمره الثانيه اخويا هاني
هانى عثمان
التعليق رقم 4
هانى عثمان
منظم للموقع
11 نوفمبر 2017
ربنا يخليكى يا ملكه الاحترام



وبأمر الله معاكى وان شاء الله الناس





اللى احنا متأكدين انهم موجودين يستجيبوا



لدعوتك المحترمه



تحياتى وتقديرى
طريق ااالخير
التعليق رقم 5
طريق ااالخير
مناقش متميز
21 نوفمبر 2017
الغالي دائما إلي قلبي هاني عثمان



كلماتك دائما تعبر عن نبل أخلاقك وشخصك الجميل



تمنياتنا للجميع بوافر الصحه والهدي والتقي والعفاف



لك مني كل حب وتقدير



أبو محمود
هانى عثمان
التعليق رقم 6
هانى عثمان
منظم للموقع
21 نوفمبر 2017
وادى كمان شرفنا شخص لكن مش اى شخص

ابو الادب ابو الاحترام ابو محمود الغالى
اللى بكنله زيى زى كل الناس حب وتقدير
اشكرك يا غالى على كلامتك الغاليه عليا جدا
yasserali
التعليق رقم 7
yasserali
مناقش متميز
25 نوفمبر 2017
الله عليك يا هانى بجد تسلم ايدك فانت كما عوتنا دائما مبدع تحياتى اليك

هانى عثمان
التعليق رقم 8
هانى عثمان
منظم للموقع
25 نوفمبر 2017
اخويا وحبيبى وحبيب الناس كلها

المحترم الخلوق ياسر على

الله على وجودك انت هو ده الاجمل بجد

وحشتنى جدا والله والحمد لله انى اتطمنت عليك

اسعدنى وجودك واسعدنى كلماتك المحترمه كالعاده
<< 1 >> يوجد 8 تعليق - الصفحة رقم 1 من اجمالي 1 صفحة

اضف تعليق