المناقشات

- عنوان المناقشة:

صرخة شهيد أه عليكى يابلدى أه

الفرعونه الجميله
بواسطة: الفرعونه الجميله
لجنة الترحيب
الجمعة 4 مايو 2012
أه عليكى يا بلدى اه
سرقوكى ونهبوكى وباعوا ارضك
أهانوكى يا مصر و خانوا ترابك
اهانوا شبابك و قتلوا .ولادك
عشان في التحرير صرخوا .الآه
اه يا بلدى عليكى اه.
قتلوني عشان بحبك يا بلدى
قتلوني عشان انتى اغلى من دمى وولدي
اتحمل في حبك القتل وما اقول الاه
الله عليكى يا بلدى الله.
يا عشقي و حبى و قلبي وهواه
بحبك يا بلدى مهما بعزبونى الطغاه
بحبك يا غاليه مهما قتلوني الجناه
وانا بموت كنت بقول الله عليكى يابلدى الله
الله عليكى يا بلدى الله.
الله عليكى يا عروسة النيل يا سمره
عشقي فيكي احلى من العسل مره
ولو بيدي احيا و اتقتل في هواكى مليون مره
اه يا بلدى عليكى اه
قتلني جمال و علاء و سرور الغبي
قتلني العادلي و الوقت عامل فيها نبي
صدقيني يا حبى مهما يعملوا انا بحبك اوى اوى
لانى وانا بموت كنت بقول الله عليكى يا مصر الله
الله. الله .يا حبى الله
الله اكبر على كل ظالم .قاتل جهنم مثواه
عبيد و سالم و احمد الغير نظيف و كل وزاراه
وعز و الحزب
قولوا يا اهلى و ياشعب مصر حسبنا الله
الله عليكى يابلدى الله.

الله عليكى يا أمي. الله
ما تحزني يا أمي .ما أنتى أمي و هيا أمي
ما تحزني يا أمي ما أنتى عرضي وهيا أرضى
عارف أنى وحشتك .وأنا واحِشنى اوى حضنك يا أمي
لاكن و الله يا أمي للشهيد أسما مكانه عند الله
الله الله على الشهيد. الله.
والله الله عليكى يا مصر. الله.
والله مانا خايف يا بلدى عليكى من جوع و لا املاق
الكل متأكد من أن الله هو موزع على الكون الارزاق
اقسم بربى بحبك و لو قالوا فيكي سم فهو لي طب و ترياق
فأنتى الهوى و العشق وأنا الشعر والاشواق
الله عليكى يا هبة الله

الفرعونه الجميله
ببكى عليكى دم يابلدى
بدأت في: تعارف و ترحيب منذ: في 4 مايو 2012 آخر رد: في 1 يونيو 2012 مناقشات صاحب المناقشة مناقشة مسيئة
<< 1 2 3 4 5 6 7 >> يوجد 191 تعليق - الصفحة رقم 1 من اجمالي 10 صفحة
ريهام ريرى
التعليق رقم 1
ريهام ريرى
4 مايو 2012


يا ارض متحنية بدم الشهيد



نفسى فى يوم انزف دمى عليكى



واقدم يامصر ياحبيبتى



روحى مهر ليكى



كل يوم بانتظر مرادى وملهوف



قالوا عنى خايف



ابدا



انا صقر مبيعرفش طريق الخوف



ياارض خضرا والزرع هو خلخالك



مالك دبلانه اوصفيلى حالك



ملايين البشر فى الصباح داعيين



اللى يقول ابسطها



واللى يقول يارزاق ياكريم

maya 22
التعليق رقم 2
maya 22
مناقش متميز
4 مايو 2012
مصر قالت .. صوت ولادي كلمه الحق في بلادي



هما دول سر التحدي هما دول زهره جهادي هما دول هما الشباب



مصر قالت .. الكرامه عزه النفس بشهامه



هما دول اكبر علامه كل حي وله قيامه زي ما قال الكتاب



مصر قالت .. انحيازي عمره ما كان لانتهازي



مستحيل هقبل تعازي في الشهيد رغم اعتزازي إلا من بعد الحساب



مصر قالت .. الحقيقه في العزيمه والاراده



هما دول سر الرياده والعمل افضل عباده تستحقي 100 ثواب

الفرعونه الجميله
التعليق رقم 3
الفرعونه الجميله
لجنة الترحيب
4 مايو 2012
كلما زادت الغيوم

كلما أشتد البرق والرعد

كلما ملأ القلوب خوف ورعب

حتماً ستمطر

حتماً سيأتى الخير

حتماً ستعم الخضرة الأرض

حتماً ستمحو الامطار سواد القلوب

ويلمع كل الكون ويرتدى أزهى وأنقى الألوان

صبراً بلادى
ريهام ريرى
التعليق رقم 4
ريهام ريرى
4 مايو 2012
واللى بيدعى تعيشى يامصر حرة



واللى بيدعى عنك تزول الغمه



معرفش ليه طول عمرى بدعى انى اكون شهيد



واتولد فى ارضك تانى



وعشانك اموت من جديد



فاكرين ياخلق العظام والقلب الحديد



فاكرين نصر اكتوبر والعبور المجيد



واللى اختزل نصرنا فى ضربته



فينه البعيد
maya 22
التعليق رقم 5
maya 22
مناقش متميز
4 مايو 2012
حلمنا بلد فيها عدالة اجتماعية ..



وحلمهم بلد تتحقق فيها مصالحهم الشخصية..



حلمنا بلد فيها أمان وحرية ..



وحلمهم بلد محكومة بالأمن والداخلية..



حلمنا كرامة إنسانية ..



وحلمهم محاكمات عسكرية ..



حلمنا بلدنا يحكمها العلماء ..



وحلمهم بلد بيحكمها العمداء ..



حلمنا مولود في السبعينات والثمانينات والتسعينات..



وحلمهم مولود في الثلاثينات والأربعينات ..



حلمنا هيتحقق وحلمهم هينتهي به الحال



إلى: مزبلة التاريخ!
الفرعونه الجميله
التعليق رقم 6
الفرعونه الجميله
لجنة الترحيب
4 مايو 2012
ااه يابلدى قلبى وجعنى عليكى

وعلى ولادك وشبابك اللى ماتوا بين ايديكى



ياترى يابلادى فاضل ايه تانى

علشان نلم قلوبنا اللى اتنتورت تحميكى



وقلوب زينا ماتت قبلنا حبا فيكى

وقلوب حلمت وفكرت تكبر فيكى



بس انا مت اكتر من اللى ماتوا مت يوم هم ماماتوا

وبموت كل يوم وانا بسال هم ليه ماتوا ؟





ماليش امانى غير انك تحمينى

تضمينى وتكبرى ولادى وفى قلبك تشيلينى



يابلادى قوينى يارب اسمع منى واحميها وصونها وخليها

ريهام ريرى
التعليق رقم 7
ريهام ريرى
4 مايو 2012
مصر ياللى قالت عنك كل الدنيا



انتى هبة النيل



انتى الجو الصافى



انتى احلى ليل



انتى قلب العرب



انتى اصل الطرب



انتى الحضارة والتاريخ من الجدود



احنا اللى علمناهم ازاى يبنوا السدود



واحنا اللى كان اسمنا يرعب كل الكون



كنا الفراعنه



ليه دلوقتى ضعنا



احنا مهد الحضارة والاصول



احنا اللى دافعنا عن كل العرب



لاننا ولاد اصول
maya 22
التعليق رقم 8
maya 22
مناقش متميز
4 مايو 2012
يارب مصر أحميها



وأرفع غلاها وقويها



بولادها السمر خليها



تعلى وتعلى وهنيها



ياولاد مصر يا كبار



فيكم مصون وفيكم ثوار



وجيش حماها وفداها



الله عليكم يا أحرار



من قبل ما تطلب وتنادي



بشجاعة قام الكل يفديها



يارب مصر إحميها



وأرفع غلاها وقويها



يا أم الكرامة والحرية



ملحمتك بقت أغنية



شوارع جميلة محمية



وأصوات بإسمك مدوية



بولاد ترفع راسك قوية



ولألآمك وجروحك مداوية



يارب مصر إحميها



وأرفع غلاها وقويها
ريهام ريرى
التعليق رقم 9
ريهام ريرى
4 مايو 2012
يامصر ياللى مهما تنزفى



جسدك صخر عمرة ما يميل



قوامك بشر



ودمك نيل



نهر طويل



لو كل البشر تشرب منه



ماينقص ولا يصبح عليل



يامصر يام الاصول



والفلاحين



دول تاج على الرؤوس متشالين



يام المصانع والمدارس



يام الجوامع والكنائس



يام الازهر والحسين
الفرعونه الجميله
التعليق رقم 10
الفرعونه الجميله
لجنة الترحيب
4 مايو 2012
حزين عليكي يا بلدي والدموع مابترجعش اللي فات

حزين عليكي يا بلدي والف رحمة على اخويا اللي مات

بفضل الله ثم ايدي هتقومي تاني يا بلدي. مش هنساكي بصالح الدعوات



وما تفرحيش قوي يا امريكا واسرائيل الظلام هينتهي مهما كان طويل

ريهام ريرى
التعليق رقم 11
ريهام ريرى
4 مايو 2012
مين فى جمالك يامصر مين



نزلنا شباب ارض الميدان



وقولنا هنغير وغيرنا



وكنا ايد واحده



ليه دلوقتى اتبعترنا



اصحى



خللى ايدك فى يد اخوك



اللى برة هيخنوك



واللى عاللوك هينزلوك



اللى دخلوك هيطلعوك



واللى قدامك حبيب



بكرة يلعن فى اللى جابوك
الفرعونه الجميله
التعليق رقم 12
الفرعونه الجميله
لجنة الترحيب
4 مايو 2012
خايف عليكى يا بلدى وشايل فى قلبى الهم

خايف لييجى اليوم وأبكى بدال الدموع دم

خايف ليكبر فى يوم جرحك والجرح ما بيتلم

نفسى أشوف فرحك ونور الفرحة يزيل الهم

خايف عليكى من نفسك لا شمسك فى مرة تغيب

ياللى حروف اسمك يعشقها كل حبيب

اسمك أنيس وحدتى فى الغربة مهما أغيب
maya 22
التعليق رقم 13
maya 22
مناقش متميز
4 مايو 2012
على اسم مصر التاريخ يقدر يقول ما شاء



أنا مصر عندي أحب وأجمل الأشياء



باحبها وهي مالكه الأرض شرق وغرب



وباحبها وهي مرميه جريحة حرب



باحبها بعنف وبرقة وعلى استحياء



واكرهها وألعن أبوها بعشق زي الداء



واسيبها واطفش في درب وتبقى هي ف درب



وتلتفت تلقيني جنبها في الكرب



والنبض ينفض عروقي بألف نغمة وضرب

الفرعونه الجميله
التعليق رقم 14
الفرعونه الجميله
لجنة الترحيب
4 مايو 2012
بلدى يا روح دنيتى بعدك عذاب ولهيب

جسمى نبت فى ترابك وفى حضنك روانى النيل

صعب يا بلدى فى بعادكعنيه تنام الليل

يا محلى جمال لياليكى وضى القمر فى النيل

ونخيلك ينادى عليكى والخضرة فى هواك تميل

أصالة وتاريخ وحضارة سابقة الزمان بسنين

صنعوها الجدود بجدارة يسحر جمالها العين

لو مخفتش يا مصر عليكى قوللى أخاف على مين
maya 22
التعليق رقم 15
maya 22
مناقش متميز
4 مايو 2012
على اسم مصر



النسيم في الليالي وبياعين الفل



ومرايه بهتانة ع القهوة .. أزورها .. واطل



القى النديم طل من مطرح منا طليت



والقاها برواز معلق عندنا في البيت



فيه القمر مصطفى كامل حبيب الكل



المصري باشا بشواربه اللي ما عرفوا الذل



ومصر فوق في الفراندة واسمها جولييت



ولما جيت بعد روميو بربع قرن بكيت



ومسحت دموعي في كمي ومن ساعتها وعيت

الفرعونه الجميله
التعليق رقم 16
الفرعونه الجميله
لجنة الترحيب
4 مايو 2012
اه عليك يا بلدي

اه واه عليك يا بلدي

يا ارض اهلي واجدادي

يا منبع حبي ووجداني



ومركز قلبي وشمس اعيادي

يا نورا تجلى

في اسما فمحى بنوره الحلكة اسوداء



حاولوا ان يدنسوك ويلبسوك ثوب حدادي



فاشعلوا النار في سماءك ونشروا في قلوب ابنائك الاحقاد

فاه على غدر الزمان و حرقة الاسى وطولي السهاد

فمن هؤلاء اللدين يبغون تحطيم الفؤاد فؤادك الغالي الدي استرددناه بادم وبالجهاد

فاه على الزمن الغادر الدي استبدل لحن الحب بالحن الزناد

لكن مهما دمروا وقتلوا فسنكون لهم بالمرصاد

ولن نرضخ لعدو لادين اه ولاهو من ادم وحواء

بل هو الشيطان يرسل شروره حبا بسفك الدما وحرق الاكباد

فما السبيل اليك ياعدوا لاهو من اصحاب الارض ولا اسماء

لم تنفع كل الوسائل معكم حتى المصالحة ارسلت لادان صماء

لكن لن تطفئوا شمعة الامل فينا ولو تامرتم مع الجن و لاوغاد
ريهام ريرى
التعليق رقم 17
ريهام ريرى
4 مايو 2012


هرسمك وهرسم فيكى كل المعانى



هرسمك حلوه زى العروسه فى احلى الليالى



هرسمك منوره والشمس طله ساعة العصارى



هرسم فيكى الحضاره والاصاله



وهرسم اللى فى حُبك حياره

الفرعونه الجميله
التعليق رقم 18
الفرعونه الجميله
لجنة الترحيب
4 مايو 2012
آه على بلد قد مات شبابها وهم على قيد الحياه



آه على بلد قد اصيب شعبها بالسلبيه والصمت واللامبالاه

آه تطلقها بلدآ تئن من الضياع



تصرخ تقول أبنائى اكلتهم الضباع



تبكى على شعبآ لا يقوى على الصراع

قد جرد من اسلحته وكسرت أجنحته



ذاق كل انواع الظلم وعجزت عن مؤازرته



قد أخرست السنته ولم تعد تقوى على الكلام



مرسومه على وجهه ملامح الانكسار بدون رغبه فى الانتقام



شعبآ سلبت منه حقوقه وتنازل عنها بكل استسلام

maya 22
التعليق رقم 19
maya 22
مناقش متميز
4 مايو 2012
مصر السما الفزدقي وعصافير معدية



والقلة مملية ع الشباك .. مندية



والجد قاعد مربع يقرا في الجرنال



الكاتب المصري ذاته مندمج في مقال



ومصر قدامه اكتر كلمة مقرية



قريتها من قبل ما اكتب اسمي بإيديا



ورسمتها في الخيال على أبدع الأشكال



ونزلت أيام صبايا طفت كل مجال



زي المنادي وفؤادي يرتجف بجلال



مصر .. التلات أحرف الساكنة اللي شاحنة ضجيج



زوم الهوا وطقش موج البحر لما يهيج



وعجيج حوافر خيول بتجر زغروطة



حزمة نغم صعب داخلة مسامعي مقروطة



في مسامي مضغوطه مع دمي لها تعاريج



ترع وقنوات سقت من جسمي كل نسيج



وجميع خيوط النسيج على نبرة مربوط



اسمعها مهموسة والا اسمعها مشخوطه



شبكة رادار قلبي جوه ضلوعي مضبوطة

الفرعونه الجميله
التعليق رقم 20
الفرعونه الجميله
لجنة الترحيب
4 مايو 2012
عجبى عليكى يا بلدى

بقا سابتوا الى قتل ولدى ثاير شهيد الميدان



عجبى عليكى يابلدى

سناريوا مش خلصان والكرسى للجبان والحبس للشجعان



عجبى عليكى يابلدى

نيشل حكومة ونظام فاسد علشان يجيلنا مشير يبراء كل حقير ويحقر من شباب التحرير



عجبى عليكى يا بلدى

شباب باعلى صوت يصرخ عايز عدل عايز محاكمة بجد لكل ظالم جبان ومش مسمعلوا صوت سايبنوا يطق يموت والى مش عاجبوا يطق فى الميدان



عجبى عليكى يا بلدى

نطلع من حفرة نقع فى دحديرة وشكلنا مش هانخلص من الظلم والفساد



عجبى عليكى يا بلدى

الظالم بقا منا وفينا وعلشان نعمل تغير طلع عين اهالينا وبردوا مافيش جديد





عجبى عليكى يا بلدى

الثورة عمالة تضيع والدم اتنسا والظلم اتنسا وكله طاطا ونام



عجبى عليكى يا بلدى

مش لقيا فيكى امان من

ظلم لظلم حرام تعبنا امتا الخلاص امتى بقا هانرتاح امتى هانشوف شمس حريتنا

ونشوف نتيجة ثورتنا ويتعرف قيمة وطنيتنا ونحس بالتغير والسلام
<< 1 2 3 4 5 6 7 >> يوجد 191 تعليق - الصفحة رقم 1 من اجمالي 10 صفحة

اضف تعليق