المناقشات

- عنوان المناقشة:

لاتلقو بقلوبكم الى التهلكة

بحار بلا مرسى
بواسطة: بحار بلا مرسى
الجمعة 9 ديسمبر 2016
بالنسبة للناس اللى دايما بنثق فيهم
اللى دايما نتغاضى لبعض هفواتهم تجاهنا
اللى دايما نقول بكرا يعرفو اننا بنحبهم قدا أيه...بكرا يفهمو معنى غيرتنا عليهم
بكرا هيجى يوم ويقدرو خوفنا وتمسكنا بيهم
وللأسف بيتمادو فى تلك الهفوات الى أن تصبح أخطاء
مش معنى انى واثق فيك جدا يبقا متعملش حساب لزعلى
مش معنى انى بحبك جدا يبقا تهمل احساسى ومتقدرش مشاعرى
ليه دايما بتاخد حبى ليك واهتمامى وغيرتى انهم سجن لحريتك
ربما نكون اخطأنا فى مشاعرنا تجاه البعض
ربما نكون اعطينا قيمة للبعض اكثر مما يستحقونها
أدركت اخيرا
ان اللى ضامن وجودك هيركنك ع الرف
واللى عارف انك مبتعرفش تزعل منه هيفضل يزعل فيك ويجى عليك
واللى مبيهتمش بوجودك عمره ما هيفرق معاه غيابك
واللى شايفك عكاز ليه كل ما بيوقع يلاقيك سانده.. هيجى يوم ويرميك لما يتأكد انه مش محتاجك
خليك كده مصدق نفسك
ومصدق ان ممكن تلاقى حد يحبك باخلاص
حد يحب ضعفك قدامه
حد يحبك من غير ما تطلب منه حاجة
صدقنى مش هتلاقى
انت كده بتنزل من شخصك وبتهين كرامتك مع ناس ماتستاهلش
ماتخليش نفسك بالنسبة ليه زى الكورة لو شاطك ف اى حيطة بترجعله تانى
ولو الحب اللى جواك هيوصلك ان تتنازل على حاجة بلاش منه
اكسب نفسك واخسر اى حاجة تانى...عشان مش هيفضل معاك غير نفسك
عشان مبقاش فيه حد هيفتكرك ولا هيساعدك لو وقعت
انت فى عصر السرعة وما يأتى سريعا يذهب سريعا
ودومتم
بحـــار
بدأت في: برامج الدردشة منذ: في 9 ديسمبر 2016 آخر رد: في 9 ديسمبر 2016 مناقشات صاحب المناقشة مناقشة مسيئة
<< 1 >> يوجد 1 تعليق - الصفحة رقم 1 من اجمالي 1 صفحة
الناقد الجريئ
التعليق رقم 1
الناقد الجريئ
مناقش متميز
9 ديسمبر 2016
اكسب نفسك واخسر اى حاجة تانى

رائعه الجمله يا بحار

فى ناس غاويه تبيع نفسيها بدون ثمن - ليه لاادرى - انه الغباء
<< 1 >> يوجد 1 تعليق - الصفحة رقم 1 من اجمالي 1 صفحة

اضف تعليق