المناقشات

- عنوان المناقشة:

متى سأجد أشخاص لا يغيرهم الزمن

بحار بلا مرسى
بواسطة: بحار بلا مرسى
السبت 1 أكتوبر 2016
لسة برضو البحث جارى
عن نفوس بيضة وتقية
عن مشاعر هى ...هى
عن شطوت فيها أمآن

فيه مشاعر باردة جدا
توهمك بالحب جدا
تخدعك بالصدق جدا
تتعبك وياها جدا
متقلبة زى الزمان

لسة برضو البحث جارى
عن حبايب يبقو جارى
يبقو بيتى يبقو دارى
يبقو شمس لـ نهارى
نورهم يملولى المكان

فيه قلوب الصدق بيتها
هبقا أسعد لو لاقيتها
لو حياتى تكون حياتها
نفسى اعرف يوم طريقها
واشطب من قلبى الأحزان

لسه برضو البحث جاري
عن قلوب مهياش تجاري
ولا صيني بدون ضمان

فيه قلوب جاهزة فى قزايز
كلها مضروبة جاهز
ليه تدور ع اللي جايز
مش معاه تلقى الأمان

شوف كدا يا صاحبي جنبك
قلب صافي زي قلبك
قلب من جواه يحبك
يملا أوقاتك حنان

لسة برضو البحث جارى
عنك انتى يا نور ونارى
يا حورية لـ بحارى
يا اميرة فى العلالى
انتى نهاية اسفارى
قربك أجمل الشطئآن
بدأت في: الشعر و النثر منذ: في 1 أكتوبر 2016 آخر رد: في 4 أكتوبر 2016 مناقشات صاحب المناقشة مناقشة مسيئة
<< 1 >> يوجد 2 تعليق - الصفحة رقم 1 من اجمالي 1 صفحة
هانى عثمان
التعليق رقم 1
هانى عثمان
منظم للموقع
4 أكتوبر 2016
الله الله الله



اقسم بالله روعه



الله ع الفكره فى البدايه



والكلام السهل البسيط الممتنع والجميل جدا



تسلم ايدك يا فنان
بحار بلا مرسى
التعليق رقم 2
بحار بلا مرسى
4 أكتوبر 2016
تسلملى يا غالى ده من زوق حضرتك

تحياتى لك ايها المحترم جدا ..هانى عثمان
<< 1 >> يوجد 2 تعليق - الصفحة رقم 1 من اجمالي 1 صفحة

اضف تعليق