المناقشات

- عنوان المناقشة:

هشام الجح واخر كلمه قاله للثوار بجد مش ليه حل

الفرعونه الجميله
بواسطة: الفرعونه الجميله
لجنة الترحيب
الجمعة 25 نوفمبر 2011
مكلمين..

احنا نزلنا ليه ..؟؟

للى مش فاهمين نقول ..

للى مش فاهمين نزولنا .. للى معاشوش ظلمنا ولا قهرنا وحسوش نزول

للى مداقوش مر جوعنا .. اللى ماناموش فى الشوارع كالدبايح

كملوا بالليل عشاهم بالصفايح ..

للى مش فاهمين مهانة الرجال
قهر الرجال ..
للى بيقولوا علينا اننا حبة عيال ..
احنــا مش حبة عيال.



احنا شوفنا النيل بينشف فى البيوت
واما يجرى …
يتفرش حمام سباحة فى قصر باشا

مستكترين فيا الغضب ..
مانا كنت غرقان فى البشاشه

كنت راضى ببوق مايه واقول دى هانت
كنت ببكى فى القصايد ..
كنت بشتم فى القصايد..
تتقطع ايدى اما قولت حبيبتى ماتت

للى مش فهمين نزولنا فى الشوارع ..
احنا بندور على الحلم اللى ضايع ..
احنا جرينا النفس فى عروق عيالنــا
يكبروا فاهمين حاجات مافهمنهاش..
اقبل انى اعيش عشان حلم وقضيه
بس ماقبلشى انى عمرى يضيع بلاش
مااحنا سيبنلكوا البلد مانصفتوهاش

ماتلوموش على اللى اتعجبن فى المعجنه واللى اتظلم
واذا كنتوا فاكرينا غنمـ .. على حظكم أنا جِدْى فاق
فاكرين زمان حذرتكم
مستنى ايه من طفل رَبُّوه بالزعاق
غير المشاكل والخناق
لَذَا كنتوا فاكرينا غنم
على رزقكم أنا جِدْى فاق
أرزاق..
بدأت في: الشعر و النثر منذ: في 25 نوفمبر 2011 آخر رد: في 26 نوفمبر 2011 مناقشات صاحب المناقشة مناقشة مسيئة
<< 1 >> يوجد 5 تعليق - الصفحة رقم 1 من اجمالي 1 صفحة
الفرعونه الجميله
التعليق رقم 1
الفرعونه الجميله
لجنة الترحيب
25 نوفمبر 2011
الى خايف على البلد تموت السكوت هو الى موت
الفرعونه الجميله
التعليق رقم 2
الفرعونه الجميله
لجنة الترحيب
26 نوفمبر 2011
انا معااك يا حسن لازم الجيش ينزال بس لزم يتحرك بصرعه لان بجد فى اعداء نفسهم البلد تكون من غير دخليه ولا جيش عشان فكرين انهم هيعرفه يخده شيء منها بس ما تقلقش احنا وشباب مصر حرصهم الله اد اى شيء وهتعيش مصر طوول العمر
hosama
التعليق رقم 3
hosama
مناقش متميز
26 نوفمبر 2011
بســــم الله الرحمن الرحيـــــــم





أحببت أخوتي أن أكون أول من يهنيكم

برأس السنة الهجرية

أعادها الله علينا وعليكم وعلى أمة سيد البشر بالخير واليمن والبركة

عيدكم مبارك



العنيدجدا
التعليق رقم 4
العنيدجدا
مناقش متميز
26 نوفمبر 2011
احسنتى اختيارك رائع



ان شاء الله مصر هترجع

سلمت يدك

mahmoud aly
الفرعونه الجميله
التعليق رقم 5
الفرعونه الجميله
لجنة الترحيب
26 نوفمبر 2011
للي مش فاهمين نزولنا في الشوارع .. الحكومة نزلتنا في الشوارع .. عودتنا على الشوارع .. الحكومة بيتتنا في الشوارع .. سكّرت على نفسها كل الببان .. خوفتنا من الببان .. فاترمينا كلنا في حضن الشوارع .. أكتر مكان لقيناه أمان .. اللي خايفين على البلد لحسن تموت .. متخافوش ده الموت سكوت .. واحنا مش في الخطة أصلا .. إن بكره يكون سكوت .. ويقولك احنا عملنا فوضى .. طب احنا برده عملنا فوضى؟ داحنا كنا بنتجلد ونعيش ونرضى .. واحنا كنا بنتسرق ونعيش ونرضى .. كانت الأسعار بتغلى وكنت بَرضى .. والشرطة بتفتشني عادي في أي وقت في اي حته بدون مناسبة وكنت بَرضى .. جاي النهارده تقولي إحنا عملنا فوضى؟ طب فوضى فوضى
<< 1 >> يوجد 5 تعليق - الصفحة رقم 1 من اجمالي 1 صفحة

اضف تعليق